Frå innsida av psykiatrien

04.11.2020
Frå innsida av psykiatrien
Lyrikkforlaget
Silje Gjøe Namdal

Silje Gjøe Namdal debuterer med diktsamlinga «Alt mellom himmel og jord. Utanom jord» på Lyrikkforlaget. Tekstane er laga på lukka avdeling.

– Ideen til boka fekk eg eit av mine fyrste år på lukka avdeling, då eg dreiv og skreiv saman med personalet på skjermingsposten, fortel Namdal. Ho er 34 år og har lang erfaring som pasient i psykiatrien. Ho er interessert i å lære frå livet gjennom å skrive om eigne erfaringar.

– Dette er mi fyrste utgjeving, men eg vonar det ikkje vert den siste. Boka handlar om psykiatri, tankar, kjensler, erfaringar, og om det meir humoristiske som går føre seg i hovudet mitt. Målgruppa er alle som har tankar, dermed alle, seier den ferske forfattaren.

Å skrive seg ut av nederlaget

Drivkrafta i skriveprosessen har vore å godta dei dårlege periodane i livet, altså å få noko ut av dagane etterpå. Namdal beskriv det som å «kunne skrive seg ut av ‘nederlaget’». Ho har fått inspirasjon frå helsepersonell som har gitt av seg sjølv og snakka med ho.

– Bodskapen i boka er at me alle har tankar. Tankar er berre tankar, men dei kan kome i mange forskjellige variantar, og vere både plagsamme, skumle og artige. Så vit berre at du ikkje er åleine. I boka kan du sjå alle dei rare tinga eg «slit med». Boka skiljer seg frå andre ved at eg blandar humor inn i psykiatrien, og samstundes med at eg skiljer dei to temaene, så går dei hand i hand ved å godta at eg har rare tankar.

Kan ha det kjekt

Silje Gjøe Namdal vonar utgjevinga skal gje ho ein moglegheit til å hjelpe andre, slik ho ynskjer å byrje med i livet etter utskrivinga frå institusjonen.

– Folk bør kjøpe boka for å fremme openheit rundt psykisk sjukdom og psykiatri. For det skjer mykje i psykiatrien som folk flest ikkje veit om. Både positivt og negativt. Folk veit for eksempel kanskje ikkje at me òg kan ha det kjekt innimellom på lukka avdeling.

Debutanten har fleire prosjekt på skriveblokka.

– Eg har byrja å skrive litt på bokmål att, og vonar eg får gje ut ei bokmålsamling etter kvart òg. Denne skal handle om tida etter psykisk sjukdom.

Audun Rømcke

Nyheter

Ensomhet i coronatid

Ensomhet i coronatid

En bekjent satt hjemme en kveld og var inne ...

Nerver i høyspenn

Nerver i høyspenn

Stian Koxvig er klar med diktboken Et annerledes ...

Livshistore i form av dikt

Livshistore i form av dikt

i tekstsamling om forboden kjærleik ...

Heidi Austlid går fra IKT-Norge til Forleggerforeningen

Heidi Austlid går fra IKT-Norge til Forl...

Forleggerforeningens direktør Kristenn ...

NRK utforsker norsk slavehistorie på St. Croix

NRK utforsker norsk slavehistorie på St. ...

NRK-duoen Gokstad og Bache utforsker et mørkt ...

Teater og revy

Nationaltheatret – Oslos og Norges storstue for edel kunst

Nationaltheatret – Oslos og Norges storstue ...

Nationaltheatret i Oslo sentrum, mellom Nationaltheatret ...

CIRKUS CIRKÖR på norgesturné - og kommer til Sandnes kulturhus 5. og 6 mai

CIRKUS CIRKÖR på norgesturné - og kommer ...

Svenske nysirkusstjerner sprenger grenser ...

Hold deg fast, og velkommen til Nordting!

Hold deg fast, og velkommen til Nordting...

Furoren seiler i kjølvannet når ...

Teaterstykket Closer med Nicolai Cleve Broch, Anders Danielsen Lie, Andrea Bræin Hovig og Gine Cornelia Pedersen

Teaterstykket Closer med Nicolai Cleve Broch, ...

CLOSER Av Patrick Marber Oversettelse og ...

Heia Flåklypa! På turné med Riksteatret

Heia Flåklypa! På turné med Riksteatret

Solan, Ludvig og den store melkespannkastekonkurransen ...