Forlagshuset Publica
Odd Nygård
Som lesar, enten frå Årdal eller andre stadar i Norge, vil du kjenne deg igjen i miljøskildringa.
Ein medrivande oppvekstroman frå industribygda Årdal, innerst i Sognefjorden, på slutten av 1960-talet. Samfunnet og familieforholda er i forandring og skapar nye og ukjende utfordringar. Industrien, naturen og musikken blir vevd saman til ei tidsskildring som gjer historia autentisk og gjenkjennande. Hovudpersonen Vidar og venene hans fyller lesaren med humor, varme, kjærleik, sorg og lengsel. Musikken spelar ei sentral rolle i boka, både som drivkraft i handlinga og som tidsskildring.
Balansekunstnaren Tell Teigen frå Høyanger, som også budde i Årdal, tilfører boka eit historisk, dokumentarisk tilleggs-perspektiv. Boktittelen «Langt der nede» er derfor eit bilde på denne våghalsen, samtidig som lesaren har ei medrivande kjensle av dei høge og bratte fjella, som omkransar denne bygda innerst inne i Sognefjorden, langt der nede.
«Årdal, staden i Noreg der det vart seld flest Fiatar i høve til folketalet. Endeleg kjem det ei bok som dykker ned i dette spesielle samfunnet inst i Sognefjorden, der sosialdemokratiske draumar møter den nye pop- og rockekulturen, blanda med lukta frå smelteomnar og anodestøyperi. Odd Nygård vaks sjølv opp her, og har i boka Langt der nede skapt romankarakterar ut frå miljøet som forma han sjølv, på slutten av 1960-åra.»
- Morten Jentoft, journalist og forfattar
«Dei dramatiske hendingane i den store verda er bakteppet for Odd Nygård sin roman om ungdommar på veg inn i vaksenlivet i Årdal. ‘Langt der nede’ er forteljinga om heimbygda, både med eit kjærleg og reflekterande blikk.»
- Per Jon Odéen, journalist og forfattar
Playlist til «Langt der nede» på Spotify – eller søk på spelelista Langt der nede på Spotify.
Odd Nygård (f. 1953) er frå industribygda Årdal i Sogn. Han har arbeidd som lærar i Nord-Noreg og på Austlandet, og var aktiv i musikkmiljøet i Tromsø og Harstad (1970-80-åra). No er han pensjonist, busett på Kolbotn. «Langt der nede» er debutromanen hans.
BOKFAKTA:
Tittel: Langt der nede
Forfatter: Odd Nygård
ISBN: 9788284162560
Format: 13 x 20
Antall sider: 306
Innbinding: innbundet
Utsalgspris kr 449.00
Redaktør -